１4th Ｏctober, 200９

好想時間過得快d, 又好想時間過得慢d.
係呀! 好矛盾呀.
開始好似無咩動力啦, 我真係好支力..
我發覺一日入面, 我有大部分時間都係響度ｈea同埋發呆
唔夠訓, 令我唔想做野唔想講野,
諗野慢反應慢轉數慢 (雖然不嬲都唔係快 )

但係好簡單好平凡既事都好易令到我好開心好易笑
例如, 聽到李落街, 我會即刻笑.哈哈哈 ．．
情緒開始有d混亂, 無啦啦會好想喊. 但之後諗起d野又好想笑
定係我本身都係咁嫁呢?!

好似唔係好夠能量, 成日都好想食野.
但係我唔係肚餓, 不過又覺得d野食好好味!
唔做野果時剩係有心癮想食野.

岩岩知道左d野, 我好想講出黎不過唔係好講得.
只可以話世事難料, 呢個世界真係咩都有可能發生.
我要推翻晒我之前所講既野啦, 我睇錯晒啦. 原來我睇野都幾唔準.
原來空穴來風, 未必無因係真嫁!

算啦我所有野都唔諗咁多啦都係.
好似都係做自己野比較實際d.

２4th Ｓeptember, 200９

今日一朝就上ｈall睇五個撲水的少年,
本來無咩興趣, 但係又估唔到又幾好笑喎哈哈,

Ｌunch 好趕要Chem test, 計mole都預左會唔識嫁啦,
只係無諗到真係會咁唔識. 真係可以完全望住份野唔知發生緊咩事喎
我真係肯定我份野唔超過5分.


派左中化第一份既ｔest, 只係溫左一堂ｆree堂換黎既成績,
比我想像中好好多好多好多/ 最高分都係81分.
點會咁嫁? 明明我就投資得好少響中化度.
我比較花時間睇Chem嫁喎. 點解中化既回報會大咁多嫁?!
明明我既目標就唔係中化,. 唉不過算啦, 有一科有回報都好過兩科都衰
本來用左成晚想同Chem做朋友, 點知中化又黎搵我做朋友.
好啦！! 兩個都要做晒朋友 :)

１4th Ｓeptember, 200９

多謝Ｖictor!！我終於收到啦!

認真, 我真係好開心. 多謝你
呢張一定係我收最唔hea既grad card呀! 同埋無諗到你會寫咁多.記得咁多野
駛唔駛寫得咁感動呀!? 但我一路睇真係一路覺得好好笑.
我覺得你既靈感來源自Laughing哥哈哈哈 xD
不過真係好有心思好鐘意. 多謝你呀無分等級既好朋友! :)

８th Ｓeptember, 200９

開左學唔係好多日, 不過我已經有支力既感覺啦.
又可能係我原來不知不覺地攬左好多野上身.
哈其實真係有少少自己攞黎衰, 自己搵野黎煩嫁 ;p
不過我又好似覺得今年唔忙就唔似一個F.6咁.
所以試左好多野, 希望有個新發展
不過其實全部都暫時未有定案. 亦未知係咪成事.
但其實忙碌唔緊要, 最重要快樂! :)

今日至係正式上堂既第三日.
其實時間上都習慣了, 上課都難免會有恰眼訓既情況
上UE, 其實我覺得呢個老師很不錯,
都喜愛佢既上課模式, 我覺得真係學到野.
應該係我上過最有用既英文課.
剩係睇睇我D Notes都覺得我好專心用心上堂啦 ;)

反而中化至係恰眼訓最厲害既課堂,
其實我一向都並不討厭中文, 只係唔知係肚餓定眼訓既關係,
我剩係知我好肚餓同好眼訓同好想落堂.
但我知道呢一科不容易, 只係我真係要花點心機.

Math & Stat.大概係我全日上堂最精神同最輕鬆愉快既一課啦.
其實係因為讀過Amath至覺得暫時學既野好簡單好有趣
做到一題數計岩一題數, 我真係忍唔住要笑一笑.
讀書真係好需要成功感, 我會在這科上下苦功!

今日至第一日可以出到街食飯, 忘了跟我的飯合照一幅
都怪餐廳太繁忙, 我order的义雞飯,
先來了D餐, 然後燒肉雞飯, 再黎燒肉飯, 最後都是給了我义燒燒肉飯 -.-
哈哈就係唔俾义雞飯我 xDD

總算食得好飽地回去Chem Lab.上堂做experiment.
親自動手腳做的Flame test, 好彩沒有全都忘掉.
只係有點手忙腳亂, 戴上safety glasses後仲危險過未戴
矇查查咁我完全睇唔到個flame, 仲要勁大啖咁索左啖Conc.Hydrochloric acid
嘩真係爽一爽勁酸! 之後我完全唔敢再深呼吸一口氣
就係咁留左響個lab度兩個鐘, 吸左唔知幾多毒氣.

放學開左1個鐘到既Prefect會, 我....真係唔想評論.
之後開始補K.Kwong, 無諗到咁多人咁快,
剩係不停highlight, highlight同highlight -.-
好靠自己要去溫習notes, 雖然我完全唔明發生緊咩事,
但我真係要同chem做朋友, 我唔會放棄你.

其實真係未試過全力盡力去讀書, 我好想試番次.
唔想再後悔多次呀其實係, 哈哈希望可以堅持到最後啦 x)

２3 rd Ｊune, 200９

其實我好想大嗌! 緊張左成日既英文ｏral都考埋啦
原本以為好易行到去間學校, 點知行錯路最後都要搭的士-.-
唔記得左應該要問定另一半點樣行 :)
一路等果時一路諗住千祈唔好要我做Ｃandidate Ａ.
越唔想就反而做左A :(
六分鐘既討論真係過得好快..不過我覺得我做得唔好!
個考官真係好衰, 我地一路討論緊, 佢一路陰陰嘴笑
係笑得個樣好衰果種!
哈考完一行出門口, 考試坐我對面個肥仔佢好誠實同埋好有眼光!
肥仔: 嘩! 你ｄ英文好勁呀! (係好衷心咁對住我講嫁)
我: (心入面下左一下 , 我終於知紀順筠講既咩所謂"暗爽"啦 )
哈哈哈雖然肥仔講既野不完全係事實,
不過多謝晒tum得我好開心哈哈哈